الراسي
25-09-2010, 09:07 PM
http://www.alriyadh.com/2008/11/29/img/321021.jpg
جرت هذة القصة إبان حكم
إبن رشيد ( الأمير محمد العبدالله الرشيد .. الحاكم الثالث في إمارة آل رشيد .. أو إمارة الجبل
مثل ما سميت والتي إستمر حكمها حوالي 90 عام ، كان محمد العبدالله الرشيد ممن دعموا
الحكم وتوسع في رقعة الأمارة ليشمل كافة نجد من شمالها لجنوبها ) ويعتبر محمد العبدالله
الرشيد من أقوى حكام آل الرشيد ومن أكثرهم فطنة وحنكة .. وكان مجلسة يجمع شيوخ القبائل
والشعراء والرجال العارفة بأمور الحياة .
في أحد الأيام وعند جلوس الأمير محمد في مجلسة أمر بأن تصب القهوة لضيوفة وكما هي
العادة .. يقوم صبابي القهوة بالبدء بمن هم على ميمنة الأمير ، لأهميتهم وكان بالمجلس وممن
جلس على الجهة اليمنى - ليس بقرب الأمير مباشرة ، ولكن ليس ببعيد عنه _ شخص يدعى
علوش بن ظويهر العنزي وهو شخص على دراية تامة بصنع القهوة وبطعمها ويعرف طعمها
إذا داخله شيء غريب ..
وصل فنجان القهوة لعلوش .. وعندما رسف منه رشفة تغير وجههة إذا علم بان هناك طعم غير
مستساغ في القهوة .. فماذا فعل ؟؟؟؟ فهق المسند الي وراه أي أبعده عن الجدار وكب الفنجان
وهو يحاول أن يستتر بفعلته هذه لأنها في سلوم العرب ( عرف العرب ) عيب وإهانة لصاحب
المجلس .. أثناء فهقته للمسند وكبته للفنجان رآه إبن رشيد وهذا ما كان يخافه علوش .. وإذا
بإبن رشيد يبادر علوش بصوته الجهوري وبلهجة أهل الشمال بقوله :
(( وراك سفيت الفنجان يا علوش !!! )) أي لماذا سكبت الفنجال ولم تشربه ؟؟؟
فأجاب علوش وجلاً (( والله يا طويل العمر ..... مالي نظر بالقهوة اليوم )) بمعنى لا أرغب شرب
القهوة وهذا الجواب .. مثل ما يقول المثل عذر اقبح من ذنب ألا أن الخوف دفعه ليقول مثل ذلك...
فرد عليه إبن رشيد بغضب أكبر :
(( شلون مالك نظر بالقهوة .. وأنت لك كم يوم عندنا تشرب منه )) والمعروف في لهجة أهل
الشمال أنهم يذكرون المؤنث في حديثهم ..
فطلب الأمان علوش من الأمير ليقول الحقيقة .. وأعطاه إياه.. فقال علوش (( الحقيقة يا طويل
العمر .. القهوة صايدة )) بمعنى أن القهوة تحتوي على طعم غريب ون هناك شيء ما دخل فيها أثناء طبخها ...
فإستغرب إبن رشيد كثر وقال (( صايدة !!! وش صايدة ؟؟ ))
فرد عليه علوش بثقة (( قهوتك صايدة قعسي ... - والقعسي حشرة صغيرة سوداء أكبر من
النملة بشوي - وإن ما ما كانت صايدة .. رقبتي لك رهينة )) ..
وتسمى أيضآ (قعسه)
بجواب علوش .. تحدى الأمير في أن يثبت صحة كلامة وأعطى رقبته رهنا لما يقول وإثبات لصحة كلامة ..
أمر إبن رشيد بأن يؤتى بالدلة وأن يؤتى بقدر لتصب فيه وأن يوضع على القدر ليف ليصفي
البن .. وفعلا صبت الدله على الليف وبعدها قام الأمير يحرك البن اللي تجمع على الليف بعود
معه ..وإذا فعلا .. يجد حشرة القعسي مهترئة ويابسة كأنها ورقة من أوراق الشاي السوداء..... !!!!
هنا ألتفت إبن رشيد على علوش وقال له مستغرب (( وشلون عرفت إن بالقهوة قعسي )) ..
فجاوب علوش وهو جالس بطريقة تدل على الفخر لأثباته على صحة كلامة وفوزه بالتحدي ((
القهوة يا طويل العمر به طعم حموضة .. !! ))
فالتفت إبن رشيد على أحد من أخوياه وسال عن علوش : كم له بالضيافة عندنا فأجابه الخوي
يومين .. فأمر بقوله خلوه يقعد أبا أختبره واشوف إن كان كلامه مضبوط وبشوف معرفته
بالقهوة هل هي صحيحة وإلا إنها مرة وصابت وبس ...
إختلى إبن رشيد بمعاونيه وخوياه يسالهم عن الأشياء اللي ممكن أن نضيفها مع القهوة ولا
يبين طعمها .. فاشار عليه واحد منهم أن يضيف ثمرة أو وورقة عرفج وبعضهم قال نينخة .. وهلم جرا ..
أخذ يأمر القهوجي اللي يسوي القهوة بأن يضيف ما قالوه إلى القهوة ويبهرها ويصب ويسأل
بن رشيد .. (( هااااا يا علوش ... القهوة به طعم شين اليوم ؟؟؟ )) أي هل بها طعم شيء ما اليوم ؟؟
فيجاوب علوش ( إي نعم يا طويل العمر .. به طعم عرفجة !!! ... به طعم نينخة ))
يوما عن يوم يزيد إستغراب إبن رشيد ويظل يبحث عن شيء يخفيه في القهوة ولا يعلمه علوش ..
أتى أحد أصحاب الأمير محمد بن رشيد قادما من الحج وإلا معه مسواك جديد طري وعلم
بالتحدي بين الأمير وعلوش ... وأشار على بن رشيد أن يلحي جزء من قشرة المسواك
ويضيفها للهيل ويبهر القهوة فيها ... وفعلا عملوا ذلك وأمر القهوجي بأن يصب الفنجان لعلوش
وساله مرة أخرى (( هااااااا يا علوش القهوة به طعم شين اليوم ))
فيجيب علوش (( إي والله يا طويل العمر ..... القهوة به طعم راك !!! )) شجرة الراك هي ما
يؤخذ من جذورها المسواك ..
آخر ما فكر به إبن رشيد أن يأمر القهوجي بأن يطبخ مع القهوة فنجان حب بن نيء أخضر غير
محموس وفنجان بن محروق تماما .. وقال القهوجي أطبخها وبهر وصب لعلوش .. وقال لعلوش
سؤالة التقليدي (( هاااا يا علوش .. تشوف به طعم شين اليوم ؟؟؟ )))
فرد علوش (( إي والله يا طويل العمر .. به طعم نيات .. وطعم حرق )) أي أن القهوة بها طعم
بن نيء وطعم بن محروق !!!!
هنا أيقن إبن رشيد أنه مهما حاول أن يخفي الطعم الغريب سيعرفه علوش وأيقن من درايته
بالقهوة وطبخها وصنعها .. فقال له :
(( إسمع يا علوش ... كل ما يصير القمر مثل الباكورة بالسما .. وجهك وأشوفه .. وكل ما
ينوبك من قهوة ومعاميل ... علي الين ما أموت )) يعني كل ما يكتمل القمر ويصبح دائريا بدرا
تعال إلينا لكي نعطيك ما يلزمك من قهوة وأدوات لصنعها وما يلزمك من حاجيات لضيافة
الضيوف .. وهذا يعتبر حينئذ أكبر تكريم فالقهوة وما يلزمها عموم الضيافة ومشروب أساسي يقدم للضيوف ..
حضر هذة الحادثة شاعر يسمى محمد أبا الروس الذويبي ( من قبيلة حرب ) وصاغ الأبيات
التالية مسجلا تلك لقصة المشهورة يقول فيها :
تستاهل الكيف الحمر يا بن وايل ... أنت الذي تستـاهل الكيف كله
يللي نقدته وسـط ديوان حــايـل ... لولاك يا علوش محدن فطن له
بدلال من يـجـعد صـقـا كل عايل ... الضـيـغمي ريف اليدين المقلة
الضيغمي مردا المـهـار الأصايل ... يا ما أنقطع بساقته من سجله
يا بن ظويهر مـا بها قول قــايـل .... تستاهل الفنجـان لا جا محله
يا نــاقـد الدلال بحكـم الدلايــل .... يا ريف هجن والمزاهــب مقلة
ربعك بني وايل مجاز القبـــايل .... أهل الجموع الراسية والمظلة
زبن الدخيل اللي توطاه طايل ..... الجمع دونه والرمك مردف له
وفي القصيدة مدح لعلوش وإبن رشيد ( الضيغمي ) وهو لقب يطلق على آل رشيد وعبدة الفخذ
اللذي ينحدرون منه ومدح أيضا لقبيلة عنزة ( بني وايل ) الذي وصفهم بالكثرة والمنعة
وإجارتهم للدخيل الهارب.
الله يرحمهم جميع من الشيخ أبن رشيد والفطين علوش والشاعر الحربي
http://www.alriyadh.com/2008/11/29/img/321021.jpg
(دغيم الضلماوي وسالفته مع ابن رشيد)
ياكليب شب النار ياكليب شبه
عليك شبة والحطب لك يجابي
الكثير يعرف هذا البيت ولكن يجهل قائله
وماهي مناسبة قوله وبعهد من .. هذه القصه امل اني افيدكم بها :- فيها من الدروس ماينسى
الكل تطبيقه وحدثت في حائل في قديم الزمان ومازالت تتداولها الروات
واتمنى تعجبكم يحكى انه_
على وقت الامير محمد العبدالله الرشيد ذاع صيت / دغيم الضلماوي
الشلاقي الشمري ذاع صيته بالكرم وخاصة القهوة وقصيدته التالية:-
ياكليب شب النار ياكليـب شبـه
عليك شبة والحطب لـك يجابـي
وعلي أنا ياكليـب هيلـه وحبـه
وعليك تقليـط الـدلال العذابـي
وادغث لها ياكليب من سمر جبه
وشبة الياا منه غفى كـل هابـي
باغـي ليـا شبيتهـا ثـم قبـت
تجلب لنا ربعـا سـراة غيابـي
بنسريـةً ياكليـب صلفـا مهبـه
لاهب نسناسه تقـل سـم دابـي
سـراة بليـل وناطحيـن مهبـه
متكنفيـن وشوقهـم بالعـذابـي
الوالمة ياكليـب عجـل بصبـه
والرزق عند اللي يجيب السحابـي
صبة لقرمـاً صرفتـه ماحسبـه
يوم البخيل مكنهب الوجة هابـي
وصبة لمنعورين ليـا جـاة نبـة
يرخص بعمره والدخل لها ضبابي
وعدة عن اللي مايداري المسبـه
اللي يـدور بالقصيـر الغيابـي
عن الطيب عده نازلا لـه بغبـه
يضرب علي درب الخطا مايهابي
لا باطن الهلباج خطـوا الجلبـة
يا حلو خبط عصيهـم بالركابـي
أطمر لهم وأبدي سـلام المحبـه
لا جو على هجناً يديهم خرابـي
سلام أحلى مـن شخاليـل جبـه
وأحلى من السمن الجديد العرابي
مع كبشً مصلاح راسـه نجبـه
لا أدبر الهيـن متيـن العلابـي
خطو الولد يـوم الملاقـي نكبـه
يأتي علينا من حسـاب الزهابـي
وحتى يش لو يلبس وبينن وجبـه
معيرة علـى غضيـر الشبابـي
أنا لقيت الصبـر يازيـن غبـه
يرقيك روس مشمرخات الهضابي
من لاصبر ياكليب في حكم ربـه
هذاك يوم البعـث مالـه ثوابـي
يقولها اللي مـا حسـب المسبـه
ولا عرقل الاجواد ببعض الهلابي
هذا هـوى بالـي وهـذا مطبـه
من قبل مايسفح علينـا الترابـي
*****************************
سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي
وصدقه يوم يقول :-
الوالمه يا كليب عجل بصبـه
والرزق عند اللي يجيب السحابي
يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم
بوجهته ونبي نروح عليه بيوم ثلاثاء( لانه كان معروف ان البدو ماكانو يسيرون ويتقهوون يوم
الثلاثاء فكانو يبون يباغتونه على شان يحرجونه ) ويوم جاء تالي الليل الا يوم نوخو على
الضلماوي فقام الضلماوي ورحب بهم يوم دخلو الرقة وشاف الامير محمد الوجار إلا والله الا
النار حيه ووالمه على النار وصب لهم الضلماوي من الوالمة وقام يحمس الثانية وقبب النار .
قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-
مده رهن لولاك ماقلت ياكليب
ولا قلت شب النار وصر موقدا له
في ليلة تجدع سواة المشاهيب
نسرية تلصق خليل لخله
نطعن بعزك ياحصان الاطاليب
عسى الله جمع حزمتك ما يفله
يالجوهر الناريز يالمسك يالطيب
يا عنبرا من جربه مايمله
تكفي محاليب وتملى مجاليب
وكبد تيبسها وكبدا تبله
ياطير شلوى مالقي بك عذاريب
لو تستحتي ما تجمع الطيب كله
يا بو اليتامى والارامل ومن عيب
وأبوا لمن صار العصى ثالث له
وابو المحرول والاعمي والمحاديب
ومن ضامته بعقاء تصير ولدا له
أن كان هرجي به عليكم عذاريب
سامح عسى اللي عقبك بألف حله
وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام اني
حي كل مااحتجت تجي يمي وتاخذ حاجتك
أتمنى أنها تحوز على رضآكم
وتكون منآسبه لذآئقتكم وآسف للإطالة .. مع خالص تحياتي .
جرت هذة القصة إبان حكم
إبن رشيد ( الأمير محمد العبدالله الرشيد .. الحاكم الثالث في إمارة آل رشيد .. أو إمارة الجبل
مثل ما سميت والتي إستمر حكمها حوالي 90 عام ، كان محمد العبدالله الرشيد ممن دعموا
الحكم وتوسع في رقعة الأمارة ليشمل كافة نجد من شمالها لجنوبها ) ويعتبر محمد العبدالله
الرشيد من أقوى حكام آل الرشيد ومن أكثرهم فطنة وحنكة .. وكان مجلسة يجمع شيوخ القبائل
والشعراء والرجال العارفة بأمور الحياة .
في أحد الأيام وعند جلوس الأمير محمد في مجلسة أمر بأن تصب القهوة لضيوفة وكما هي
العادة .. يقوم صبابي القهوة بالبدء بمن هم على ميمنة الأمير ، لأهميتهم وكان بالمجلس وممن
جلس على الجهة اليمنى - ليس بقرب الأمير مباشرة ، ولكن ليس ببعيد عنه _ شخص يدعى
علوش بن ظويهر العنزي وهو شخص على دراية تامة بصنع القهوة وبطعمها ويعرف طعمها
إذا داخله شيء غريب ..
وصل فنجان القهوة لعلوش .. وعندما رسف منه رشفة تغير وجههة إذا علم بان هناك طعم غير
مستساغ في القهوة .. فماذا فعل ؟؟؟؟ فهق المسند الي وراه أي أبعده عن الجدار وكب الفنجان
وهو يحاول أن يستتر بفعلته هذه لأنها في سلوم العرب ( عرف العرب ) عيب وإهانة لصاحب
المجلس .. أثناء فهقته للمسند وكبته للفنجان رآه إبن رشيد وهذا ما كان يخافه علوش .. وإذا
بإبن رشيد يبادر علوش بصوته الجهوري وبلهجة أهل الشمال بقوله :
(( وراك سفيت الفنجان يا علوش !!! )) أي لماذا سكبت الفنجال ولم تشربه ؟؟؟
فأجاب علوش وجلاً (( والله يا طويل العمر ..... مالي نظر بالقهوة اليوم )) بمعنى لا أرغب شرب
القهوة وهذا الجواب .. مثل ما يقول المثل عذر اقبح من ذنب ألا أن الخوف دفعه ليقول مثل ذلك...
فرد عليه إبن رشيد بغضب أكبر :
(( شلون مالك نظر بالقهوة .. وأنت لك كم يوم عندنا تشرب منه )) والمعروف في لهجة أهل
الشمال أنهم يذكرون المؤنث في حديثهم ..
فطلب الأمان علوش من الأمير ليقول الحقيقة .. وأعطاه إياه.. فقال علوش (( الحقيقة يا طويل
العمر .. القهوة صايدة )) بمعنى أن القهوة تحتوي على طعم غريب ون هناك شيء ما دخل فيها أثناء طبخها ...
فإستغرب إبن رشيد كثر وقال (( صايدة !!! وش صايدة ؟؟ ))
فرد عليه علوش بثقة (( قهوتك صايدة قعسي ... - والقعسي حشرة صغيرة سوداء أكبر من
النملة بشوي - وإن ما ما كانت صايدة .. رقبتي لك رهينة )) ..
وتسمى أيضآ (قعسه)
بجواب علوش .. تحدى الأمير في أن يثبت صحة كلامة وأعطى رقبته رهنا لما يقول وإثبات لصحة كلامة ..
أمر إبن رشيد بأن يؤتى بالدلة وأن يؤتى بقدر لتصب فيه وأن يوضع على القدر ليف ليصفي
البن .. وفعلا صبت الدله على الليف وبعدها قام الأمير يحرك البن اللي تجمع على الليف بعود
معه ..وإذا فعلا .. يجد حشرة القعسي مهترئة ويابسة كأنها ورقة من أوراق الشاي السوداء..... !!!!
هنا ألتفت إبن رشيد على علوش وقال له مستغرب (( وشلون عرفت إن بالقهوة قعسي )) ..
فجاوب علوش وهو جالس بطريقة تدل على الفخر لأثباته على صحة كلامة وفوزه بالتحدي ((
القهوة يا طويل العمر به طعم حموضة .. !! ))
فالتفت إبن رشيد على أحد من أخوياه وسال عن علوش : كم له بالضيافة عندنا فأجابه الخوي
يومين .. فأمر بقوله خلوه يقعد أبا أختبره واشوف إن كان كلامه مضبوط وبشوف معرفته
بالقهوة هل هي صحيحة وإلا إنها مرة وصابت وبس ...
إختلى إبن رشيد بمعاونيه وخوياه يسالهم عن الأشياء اللي ممكن أن نضيفها مع القهوة ولا
يبين طعمها .. فاشار عليه واحد منهم أن يضيف ثمرة أو وورقة عرفج وبعضهم قال نينخة .. وهلم جرا ..
أخذ يأمر القهوجي اللي يسوي القهوة بأن يضيف ما قالوه إلى القهوة ويبهرها ويصب ويسأل
بن رشيد .. (( هااااا يا علوش ... القهوة به طعم شين اليوم ؟؟؟ )) أي هل بها طعم شيء ما اليوم ؟؟
فيجاوب علوش ( إي نعم يا طويل العمر .. به طعم عرفجة !!! ... به طعم نينخة ))
يوما عن يوم يزيد إستغراب إبن رشيد ويظل يبحث عن شيء يخفيه في القهوة ولا يعلمه علوش ..
أتى أحد أصحاب الأمير محمد بن رشيد قادما من الحج وإلا معه مسواك جديد طري وعلم
بالتحدي بين الأمير وعلوش ... وأشار على بن رشيد أن يلحي جزء من قشرة المسواك
ويضيفها للهيل ويبهر القهوة فيها ... وفعلا عملوا ذلك وأمر القهوجي بأن يصب الفنجان لعلوش
وساله مرة أخرى (( هااااااا يا علوش القهوة به طعم شين اليوم ))
فيجيب علوش (( إي والله يا طويل العمر ..... القهوة به طعم راك !!! )) شجرة الراك هي ما
يؤخذ من جذورها المسواك ..
آخر ما فكر به إبن رشيد أن يأمر القهوجي بأن يطبخ مع القهوة فنجان حب بن نيء أخضر غير
محموس وفنجان بن محروق تماما .. وقال القهوجي أطبخها وبهر وصب لعلوش .. وقال لعلوش
سؤالة التقليدي (( هاااا يا علوش .. تشوف به طعم شين اليوم ؟؟؟ )))
فرد علوش (( إي والله يا طويل العمر .. به طعم نيات .. وطعم حرق )) أي أن القهوة بها طعم
بن نيء وطعم بن محروق !!!!
هنا أيقن إبن رشيد أنه مهما حاول أن يخفي الطعم الغريب سيعرفه علوش وأيقن من درايته
بالقهوة وطبخها وصنعها .. فقال له :
(( إسمع يا علوش ... كل ما يصير القمر مثل الباكورة بالسما .. وجهك وأشوفه .. وكل ما
ينوبك من قهوة ومعاميل ... علي الين ما أموت )) يعني كل ما يكتمل القمر ويصبح دائريا بدرا
تعال إلينا لكي نعطيك ما يلزمك من قهوة وأدوات لصنعها وما يلزمك من حاجيات لضيافة
الضيوف .. وهذا يعتبر حينئذ أكبر تكريم فالقهوة وما يلزمها عموم الضيافة ومشروب أساسي يقدم للضيوف ..
حضر هذة الحادثة شاعر يسمى محمد أبا الروس الذويبي ( من قبيلة حرب ) وصاغ الأبيات
التالية مسجلا تلك لقصة المشهورة يقول فيها :
تستاهل الكيف الحمر يا بن وايل ... أنت الذي تستـاهل الكيف كله
يللي نقدته وسـط ديوان حــايـل ... لولاك يا علوش محدن فطن له
بدلال من يـجـعد صـقـا كل عايل ... الضـيـغمي ريف اليدين المقلة
الضيغمي مردا المـهـار الأصايل ... يا ما أنقطع بساقته من سجله
يا بن ظويهر مـا بها قول قــايـل .... تستاهل الفنجـان لا جا محله
يا نــاقـد الدلال بحكـم الدلايــل .... يا ريف هجن والمزاهــب مقلة
ربعك بني وايل مجاز القبـــايل .... أهل الجموع الراسية والمظلة
زبن الدخيل اللي توطاه طايل ..... الجمع دونه والرمك مردف له
وفي القصيدة مدح لعلوش وإبن رشيد ( الضيغمي ) وهو لقب يطلق على آل رشيد وعبدة الفخذ
اللذي ينحدرون منه ومدح أيضا لقبيلة عنزة ( بني وايل ) الذي وصفهم بالكثرة والمنعة
وإجارتهم للدخيل الهارب.
الله يرحمهم جميع من الشيخ أبن رشيد والفطين علوش والشاعر الحربي
http://www.alriyadh.com/2008/11/29/img/321021.jpg
(دغيم الضلماوي وسالفته مع ابن رشيد)
ياكليب شب النار ياكليب شبه
عليك شبة والحطب لك يجابي
الكثير يعرف هذا البيت ولكن يجهل قائله
وماهي مناسبة قوله وبعهد من .. هذه القصه امل اني افيدكم بها :- فيها من الدروس ماينسى
الكل تطبيقه وحدثت في حائل في قديم الزمان ومازالت تتداولها الروات
واتمنى تعجبكم يحكى انه_
على وقت الامير محمد العبدالله الرشيد ذاع صيت / دغيم الضلماوي
الشلاقي الشمري ذاع صيته بالكرم وخاصة القهوة وقصيدته التالية:-
ياكليب شب النار ياكليـب شبـه
عليك شبة والحطب لـك يجابـي
وعلي أنا ياكليـب هيلـه وحبـه
وعليك تقليـط الـدلال العذابـي
وادغث لها ياكليب من سمر جبه
وشبة الياا منه غفى كـل هابـي
باغـي ليـا شبيتهـا ثـم قبـت
تجلب لنا ربعـا سـراة غيابـي
بنسريـةً ياكليـب صلفـا مهبـه
لاهب نسناسه تقـل سـم دابـي
سـراة بليـل وناطحيـن مهبـه
متكنفيـن وشوقهـم بالعـذابـي
الوالمة ياكليـب عجـل بصبـه
والرزق عند اللي يجيب السحابـي
صبة لقرمـاً صرفتـه ماحسبـه
يوم البخيل مكنهب الوجة هابـي
وصبة لمنعورين ليـا جـاة نبـة
يرخص بعمره والدخل لها ضبابي
وعدة عن اللي مايداري المسبـه
اللي يـدور بالقصيـر الغيابـي
عن الطيب عده نازلا لـه بغبـه
يضرب علي درب الخطا مايهابي
لا باطن الهلباج خطـوا الجلبـة
يا حلو خبط عصيهـم بالركابـي
أطمر لهم وأبدي سـلام المحبـه
لا جو على هجناً يديهم خرابـي
سلام أحلى مـن شخاليـل جبـه
وأحلى من السمن الجديد العرابي
مع كبشً مصلاح راسـه نجبـه
لا أدبر الهيـن متيـن العلابـي
خطو الولد يـوم الملاقـي نكبـه
يأتي علينا من حسـاب الزهابـي
وحتى يش لو يلبس وبينن وجبـه
معيرة علـى غضيـر الشبابـي
أنا لقيت الصبـر يازيـن غبـه
يرقيك روس مشمرخات الهضابي
من لاصبر ياكليب في حكم ربـه
هذاك يوم البعـث مالـه ثوابـي
يقولها اللي مـا حسـب المسبـه
ولا عرقل الاجواد ببعض الهلابي
هذا هـوى بالـي وهـذا مطبـه
من قبل مايسفح علينـا الترابـي
*****************************
سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي
وصدقه يوم يقول :-
الوالمه يا كليب عجل بصبـه
والرزق عند اللي يجيب السحابي
يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم
بوجهته ونبي نروح عليه بيوم ثلاثاء( لانه كان معروف ان البدو ماكانو يسيرون ويتقهوون يوم
الثلاثاء فكانو يبون يباغتونه على شان يحرجونه ) ويوم جاء تالي الليل الا يوم نوخو على
الضلماوي فقام الضلماوي ورحب بهم يوم دخلو الرقة وشاف الامير محمد الوجار إلا والله الا
النار حيه ووالمه على النار وصب لهم الضلماوي من الوالمة وقام يحمس الثانية وقبب النار .
قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-
مده رهن لولاك ماقلت ياكليب
ولا قلت شب النار وصر موقدا له
في ليلة تجدع سواة المشاهيب
نسرية تلصق خليل لخله
نطعن بعزك ياحصان الاطاليب
عسى الله جمع حزمتك ما يفله
يالجوهر الناريز يالمسك يالطيب
يا عنبرا من جربه مايمله
تكفي محاليب وتملى مجاليب
وكبد تيبسها وكبدا تبله
ياطير شلوى مالقي بك عذاريب
لو تستحتي ما تجمع الطيب كله
يا بو اليتامى والارامل ومن عيب
وأبوا لمن صار العصى ثالث له
وابو المحرول والاعمي والمحاديب
ومن ضامته بعقاء تصير ولدا له
أن كان هرجي به عليكم عذاريب
سامح عسى اللي عقبك بألف حله
وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام اني
حي كل مااحتجت تجي يمي وتاخذ حاجتك
أتمنى أنها تحوز على رضآكم
وتكون منآسبه لذآئقتكم وآسف للإطالة .. مع خالص تحياتي .