لاياضحايا سوق الاسهم حضرو عند الملـك

[سنبووك]

لاياضحايا سوق الاسهم حضرو عند الملـك
=انخو الملك نخوت صويب المعركه تال النهار
قولو يابومتعب ترى ثلثين من شعبـك هلـك
=بعد انهيار السوق منهارين اشـد الانهيـار
رحنا سمك في بحر لو مافيه بحر بلاسمـك
=ولارزاقنا ميعاد في حلوق التماسيح الكبـار
نبا نصيد وفي النهايـه كلنـا صيـدت شبـك
=هذا الدمار الشامل الي مايقارن بـه دمـار
رحنا وطي رحنا طعام جحوش مـالا نمتلـك
=بلوا مصيبه كارثه توخـذ بعيـن الاعتبـار
احدن وقف وحدن برك مثل البعير اليا بـرك
=وحدن فرك وحدن يسحب فروته حول المطار
والي ضحك تراه يضحك لاشعوري لوضحك
=تلقاه بعد ايام يكـت بلقلـم فـوق الجـدار
معاد ندري وش حصل لكن شـرن مشتـرك
=يحول اليسرا يمين يحـول اليمنـى يسـار
والون الاحمر نكره كرهن قوي مافيـه شـك
=يصيبنا هستيريـا وحبـاط لشفنـا الحمـار
اندور الون الخضر حتي علي جنوب التنـك
=انجمع الجرجير والكراث من سوق الخضار
حتي ليا شفنا الطماط نحس شي من الضنـك
=يازين لون الفلفل الاخضر ويازين الخيـار
وان كان مانحلت قضيتنا بعد هـا المعتـرك
=ميتين في الميه دعاوينا انهيارن في انهيـار
انخو ولي العهد سلطان السعد عضد الملـك
=يفتح لنا فرعين في البطحاء لمستشفى شهار

[أبو الوليد]

جزاك الله خـيـــــــــر

[صريح الرأي]

صح لسان الشاعر
وتسلم يد الكاتب وفقه الله.

[بابا مسعد]

الله يعطيك العافية .
نتمنى أن هذه القصيدة تلقى صدى من قبل توصيلها للملك .
سمعتها ملقاه بصوت رائع أتوقع أن من يسمعها بذلك الصوت وله شي بالأسهم أراهن إنه يدن الهاشمية .