شاعر المليون

[الراسي]

هاذي قصيده عن شاعر المليون :
ياللي تغنّى لك علـى شـان مليـون
لا تحسب ان الطيـب منهـا تذوقـه
ان كان تبغى الطيب فكّر على هـون
تلقـاه يلمـع بـارقـاتٍ بـروقـه
ماهوب موجودٍ علـى فعلـة الـدون
ولا هوب في فعل الردى والمحوقـه
ولا تحسب انه عنـد نـاسٍ يقولـون
ان القصايـد ماسـكـاتٍ عـروقـه
ذولا مكاسبهـم وراهـا ترلـيـون
مليون واحد جابـت أضعـاف فوقـه
ماهمهـم قافـك ولا هـم يحزنـون
أهـم شـيٍ عندهـم ربـح سوقـه
حطوا لهم ناسٍ على الكيـف يفتـون
نـاسٍ تقلـب فالقصيـد وتبـوقـه
أحدٍ يقول البيـت ماهـوب مـوزون
وأحـدٍ يقـول القافـيـه ماتلـوقـه
والمشكله لا جـاك منهـم يحكمـون
علـى المعانـي ضاحكـاتٍ شدوقـه
أحمر شفايف وأبيض ضروس وسنون
أبلـه ويحكـم بالقصيـد وفـروقـه
مايعرف المعنى ولا يعـرف اللـون
ولا يعرف اللي دار باقصى عموقـه
ماجابـوا اللـي للقصايـد يعرفـون
اللي علـى نظـم القوافـي شفوقـه
أمثال ابن قرقاح هو وابـن لعبـون
وأمثـال شعّـارٍ تمـيّـز طـروقـه
مجنون من يتبـع مجانيـن مجنـون
يسعى ورى المليون تابـس رموقـه
مايتبـع الشعّـار ياغيـر غـاوون
نـاسٍ عليهـم نقـص والا طفوقـه
هذي قصيده قلتهـا لاجـل تـدرون
ان الشعر ماهـوب جلـبٍ نسوقـه
واختم مقالي ذكرنـا خالـق الكـون
وصلاة ربي عـد غمضـات موقـه
منقووووووووووووووووووووووووووووووول

[صريح الرأي]

يعطيك الله العاااااااااافية
وشكرا لك على النثل المضياني.

[ابـــ البادية ــــن]

بارك الله فيك يالغالي