الحربي بلس
24-03-2011, 10:51 PM
تقـدم الدنيـا لنـا درس ٍ جديـد بكـل يـوم
والناس تسلم من غثا الدنيا بحفـظ دروسهـا !!
وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسـهـا
صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسـهـا
تطرد ورى الدنيا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا
والإمعه والشايـب الكـذّاب وضعيـف العـزوم
ناس ٍ مع العالـم بـلا هيبـه تدربـي روسهـا !!
والبخـل : خلاّنـه بهايـم !! لا تسـام ولا تـسـوم
لا شفتها ترفـع يـدك حمـد وشكـر وتبوسهـا
على الصحن هم أول الجـلاّس وآخـر مـن يقـوم
يعيّفـك حلـو الاكـل والشـرب طـول جلوسهـا
ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا
وسوالف الخبلان .. رفعة ضغط وصـداع وهمـوم
فـلاوة ٍ تخطّـف عـلـوم الـعـرب وتحوسـهـا
واجب عليك إليا حكت عن جملة حكاهـا تشـوم
الهند مـا يـرأس حكومتهـا سـوى هندوسهـا
وربـع المصالـح والمجامـل خـوة ٍ ماهيـب دوم
اقولهـا والتجربـه قـطـع وريــدي موسـهـا
وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا
وإليا احتمت صكّات بقعا وامست علومك علـوم
اتلـوّي خششهـا وتجحـد خـوّتـك وتدوسـهـا
من عقب ما انت الطيّب وقدرك معزّز ومحشـوم
تصيـر اردى مـا خلـق ربـي ودم ضروسـهـا
أبعد عن الأشكال ذي .. بعد الثرى عن النجـوم
وش حاجتك في قرب رديان العـرب ونجوسهـا
ماهوب عيب إليا عزموك تقـول يالربع .. معزوم !
العيـب : لارحـت لعزايمهـا وجيـت عروسهـا
وخلّك فطين تعلّمـك دنيـاك درس بكـل يـوم
والرجل يسلم من غثا الدنيـا بحفـظ دروسهـا !!
"+
نـص لـ المبدع : محمد جار الله السهلي
والناس تسلم من غثا الدنيا بحفـظ دروسهـا !!
وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسـهـا
صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشيـن نفوسـهـا
تطرد ورى الدنيا وتكشـخ بالمواتـر والهـدوم
مثل ( الحريم ) أغلب دراهمهـا علـى ملبوسهـا
والإمعه والشايـب الكـذّاب وضعيـف العـزوم
ناس ٍ مع العالـم بـلا هيبـه تدربـي روسهـا !!
والبخـل : خلاّنـه بهايـم !! لا تسـام ولا تـسـوم
لا شفتها ترفـع يـدك حمـد وشكـر وتبوسهـا
على الصحن هم أول الجـلاّس وآخـر مـن يقـوم
يعيّفـك حلـو الاكـل والشـرب طـول جلوسهـا
ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطهـا وكـثـر فلوسـهـا
وسوالف الخبلان .. رفعة ضغط وصـداع وهمـوم
فـلاوة ٍ تخطّـف عـلـوم الـعـرب وتحوسـهـا
واجب عليك إليا حكت عن جملة حكاهـا تشـوم
الهند مـا يـرأس حكومتهـا سـوى هندوسهـا
وربـع المصالـح والمجامـل خـوة ٍ ماهيـب دوم
اقولهـا والتجربـه قـطـع وريــدي موسـهـا
وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا
وإليا احتمت صكّات بقعا وامست علومك علـوم
اتلـوّي خششهـا وتجحـد خـوّتـك وتدوسـهـا
من عقب ما انت الطيّب وقدرك معزّز ومحشـوم
تصيـر اردى مـا خلـق ربـي ودم ضروسـهـا
أبعد عن الأشكال ذي .. بعد الثرى عن النجـوم
وش حاجتك في قرب رديان العـرب ونجوسهـا
ماهوب عيب إليا عزموك تقـول يالربع .. معزوم !
العيـب : لارحـت لعزايمهـا وجيـت عروسهـا
وخلّك فطين تعلّمـك دنيـاك درس بكـل يـوم
والرجل يسلم من غثا الدنيـا بحفـظ دروسهـا !!
"+
نـص لـ المبدع : محمد جار الله السهلي